जनपरिवर्तनशिल उपहार युवा क्लबको आयोजनामा पुरूष तथा महिला भलिबल प्रतियोगिता सम्पन्न
पाल्पा-जनपरिवर्तनशिल उपहार युवा क्लब रिब्दीकोट वडा न ७ को आयोजनामा पुरूष तथा महिला भलिबल प्रतियोगिता सम्पन्न भएको छ । प्रतियोगितामा पुरूष भलिबल तर्फ छहरा युवा क्लब प्रथम भएका छन । भने द्वितीयमा जनपरिवर्तनशिल उपहार युवा क्लब रिब्दीकोट वडा न ७ भएका छन । त्यस्तै तृतीयमा फेक युवा क्लब भएका छन । त्यस्तै महिला तर्फ पेलाचौर युवा क्लब प्रथम भएका छन । भने द्वितीयमा मुझुङ्ग युवा क्लब र तृतीयमा पालुङ्ग युवा क्लब भएका छन । प्रतियोगितामा बिजयी टिमलाई नगद,सिल्ड,मेडल र प्रमाणपत्र प्रदान गरिएको आयोजकले जनाएका छन ।
कार्यक्रमका प्रमुख अतिथि समाजसेवी डाक्टर माधव थापाले क्लबले खेलकुद प्रतियोगिता आयोजना गरि प्रशंसानिय कार्यक्रम गरेको बताए । स्थानीय स्तरमा आयोजना हुने यस्ता प्रतियोगिताले खेलाडीको पहिचान हुनुका साथै खेलाडीहरूको उत्पादनमा समेत टेवा पुग्ने बताए । खेलाडीहरू निरन्तर रूपमा अगाडि बढी खेलकुदका माध्यमबाट देशको नाम उच्च बनाउन गरि अग्रसर हुन आग्रह गरे । जब खेलाडीहरू स्थानीय,प्रदेश,राष्ट्रिय प्रतियोगितामा सहभागी हुदै अन्तर्राष्ट्रिय प्रतियोगिताहरूमा उत्कृष्ट प्रदर्शन गर्छन्, त्यसले देशको मान प्रतिष्ठा र पहिचानलाई विश्वमा उजागर गर्ने बताए । साथै, खेलकुदले पर्यटन, आर्थिक विकास र युवा पुस्तामा सकारात्मक सोचको विकासमा पनि योगदान पुर्याउँने बताए । उदाहरणका लागि, ओलम्पिक खेलहरू, विश्व कप जस्ता आयोजक देशहरूले विश्वभर ध्यान खिच्न सक्छन्, जसले राष्ट्रिय गर्व र एकतामा वृद्धि गर्न मद्दत गर्छ । खेलाडीहरूले निरन्तर रूपमा खेलमा अग्रसर भइ देशकै नाम उचो बनाउने गरि अगाडि बढ्न डाक्टर थापाले आग्रह गरे ।
३ दिन सम्म सञ्चालन भएको प्रतियोगिता क्लबका कार्यवाहक अध्यक्ष ईशा गाहाको अध्यक्षता र सचिव सुरज परियारको सञ्चालनमा सम्पन्न भएको थियो । स्वास्थ्यका लागि खेलकुद राष्ट्रका लागि खेलकुद भन्ने नाराका साथ सञ्चालन भएको प्रतियोगितामा विभिन्न समुहहरूको सहभागीता रहेको थियो ।
