सुदूरपश्चिमविरुद्ध लुम्बिनी
काठमाडौँमा जारी सिद्धार्थ बैंक नेपाल प्रिमियर लिग एनपीएल अन्तर्गत आज बिहीबार लुम्बिनी लायन्स र सुदूरपश्चिम रोयल्सबीच खेल हुँदैछ ।
कीर्तिपुरस्थित त्रिवि क्रिकेट मैदानमा भएको टसमा सुदूरपश्चिमका कप्तान दीपेन्द्रसिंह ऐरीले फिल्डिङ रोजेपछि लुम्बिनी लायन्सले पहिलो ब्याटिङ गर्ने भएको छ ।
लुम्बिनी लायन्सले अघिल्लो खेलको तुलनामा एक परिवर्तन गरेको छ । जोनाथन स्मिथको स्थानमा थोमस ड्राका सुरुवाती ११ मा समावेश भएका छन् । सुदूरपश्चिम रोयल्सले भने अघिल्लो खेलको टोलीलाई निरन्तरता दिएको छ ।
लुम्बिनी लायन्सः
रोहित पौडेल, सन्दीप जोरा, सुमित महर्जन, दिलीप नाथ, तिलक भण्डारी, शेर मल्ल, अविशेष गौतम, डि आर्सी जोन म्याथु सर्ट, गुल्बदिन नइब, रुवेन ट्रम्पलम्यान, थोमस ड्राका
सुदूरपश्चिमको टोलीः
दीपेन्द्रसिंह ऐरी, आरिफ शेख, अविनास बोहोरा, नरेन साउद, इसान पाण्डे, विनोद भण्डारी, हेमन्त धामी, क्रिस लिन, स्कट कुगेलाइन, जोस ब्राउन, हरमित सिंह




