बैरागीको हत्या आरोपमा पक्राउ परेका हजरा अदालतबाट समान्य तारिकमा रिहा

अमित ठाकुर,नालीबेली सम्बाददाता,रौतहट।

राष्ट्रिय कुस्ती खेलाडी उपेन्द्र दास बैरागीको हत्यामा संलग्न रहेको एक अपराधीलाई जिल्ला अदालत गौरले साधारण तारिखमा रिहा गरेका छन्।आज भन्दा १० बर्ष पहिला सदरमुकाम गौर अदालत चौक अगाडि बेलुकी लोडसेडिङको मौका छोपी राष्ट्रिय कुस्ती खेलाडी बैरागीको गोली हानी हत्या गरेको थियो। हत्याको १० वर्ष पछि फरार अभियुक्त देवाही गोनाही नगरपालिका वडा नंबर ७ का सोनफी पासवान भन्ने सोनफी हजरा गौर नगरपालिका वडा नंबर ५ मा हिडडुल गर्दैगरेको अवस्थामा प्रहरीले पक्राउ गरेको थियो।

पक्राउ परेका हजरालाई आज जिल्ला अदालत रौतहटमा पेश गरिएको थियो । जिल्ला अदालतको १ नम्बर इजलाशमा न्यायधिश काजिबहादुर राईको आदेशमा उनलाई सामान्य तारेखमा छाडिएको हो । तत्कलानि प्रहरीले २०६८ साउनमा नै अनुसन्धान पुरा भएको भन्दै मुद्दा अदालतमा बुझाएको र अदालतले दिएको आदेश अनुसारनै कर्तव्य ज्यान मुद्दामा फरार रहेको हजारालाई गत बुधबार प्रहरीले पक्राउ गरेको थियो । फरार अभियुक्त पक्राउ पछि पिडित परिवारले न्यालयबाट न्याय पाउँने आशा बढेको थियो। तर अदालतले अभियुक्तलाई समान्य तारिखमा रिहा गरेको सुन्दै पिडित परिवारले अदालत माथि दुस्ख पोखे ।