गुल्मीमा मोटरसाइकल अनियन्त्रीत भई दुर्घटना हुदाँ एक जनाको ज्यान गएको छ भने एक जना घाईते भएका छन् । बुधबार दिँउसो ४ः१५ बजेको समयमा इस्मा गाउँपालिका १ छिनुवा खोला मा मोटरसाइकल दुर्घटना भएको हो।
सदरमुकाम तम्घासबाट सिमलटारी जाने क्रममा लु १२ प ३८०९ नं को मोटरसाइकल अनियन्त्रीत हुन गई सडकबाट करिब ५० मिटर तल खसेको थियो । मोटरसाइकल चालक रेसुङ्गा नगरपालिका २ बस्ने अन्दाजी ५० वर्षिय रामबहादुर कुवँरको मृत्यु भएको जिल्ला प्रहरी कार्यालय, गुल्मीले जनाएको छ ।
मोटरसाइकलमा सवार रेसुङ्गा नगरपालिका २ उदिनढुङ्गाका ३९ वर्षिय रुद्र बहादुर वि.कको अवस्था मध्यम छ । उनको गुल्मी अस्पतालमा उपचार भईरहेको प्रहरीले जनाएको छ ।
दुर्घटना हनासाथ दुवै जनालाई जिल्ला प्रहरी कार्यालय, गुल्मीको रोहवरमा गुल्मी अस्पतालमा उपचारका लागी ल्याइएको थियो । घाईते मध्ये कुवँरको अस्पतालले मृत्यु घोषण गरेको छ ।Radio Resunga
