मदिरा सेवन गरी लफडा गर्ने प्रमुख प्रशासकीय अधिकृत पक्राउ
बुटवल । बर्दियाको बार बर्दिया नगरपालिकाकामा अभद्र व्यवहार गर्ने प्रमुख प्रशासकीय दीपक आचार्यलाई जिल्ला प्रहरी कार्यालय बर्दियाले पक्राउ गरेको छ । बार बर्दिया नगरपालिकाका प्रमुख प्रशासकीय दीपक आचार्यले कार्यालय समयमा मदिरा खाई कार्य भित्र टेबल तोडफोड गर्ने र हो हल्ला गरेपछि नियन्त्रणमा लिएर राखिएको जिल्ला प्रहरी कार्यालय, बर्दियाका सूचना अधिकारी एवं डिएसपी ऋषिराम घर्ती मगरले जानकारी दिए । उनले भर्ने –’उहाँलाई हामीले गएराति नियन्त्रण लिएका छौ, अहिले अभद्र व्यवहारमा नियन्त्रणमा लिएको हो, कुन मुद्दा चलाउने कसरी जाने भन्ने अव मेयर साहेब आएपछि छलफल हुन्छ। ‘उनले कार्यालयमा अभद्र व्यवहारपछि सामाजिक सञ्जालमा मेयर तथा उपमेयरविरुद्ध विभिन्न लान्छना लगाउँदै लामो स्टट्यटस समेत लेखेका थिए । पालिकाले अभद्र व्यवहारसम्बन्धी र साइबर क्राइम सम्बन्धी उजुरी दिने नगरपालिका प्रमुख छविलाल थारुले रातोपाटीलाई बताए ।
प्रमुख प्रशासकीय अधिकृत दीपक आचार्यले मङ्गलवार दिउँसो मदिराले मातेर कार्यालयमा आएर उपमेयर रत्नकुमारी पाण्डेको कार्यकक्षमा गई झैझगडा गर्नुका साथै उद्दण्ड व्यवहार प्रदर्शन गरेका थिए । मेयर र उपमेयरलाई सडक छाप बनाइदिने धम्की समेत उनले दिएका थिए।
मदिराले मातेर कार्यालय आएपछि नगर प्रमुख छविलाल थारुले प्रहरीलाई खबर गरेका थिए । उनलाई प्रहरीले मङ्गलवार नै नियन्त्रणमा लिएको थियो । मापसे चेक गराउँदा प्रमुख प्रशासकीय अधिकृतले मापसे गरेको पुष्टि भएको थियो । सोही दिन साँझ उनलाई प्रहरी छोडेको थियो । फेरि सामाजिक सञ्जालमार्फत मेयर तथा उपमेयरलाई गालीगलौज गरेपछि मोबाइल अफ गरेर उनी सम्पर्कविहीन भएका थिए । उनलाई बुधबार राति पुनः पक्राउ गरिएको हो ।
