आगोलागी र पहिरो पिडितलाई रेडक्रस मल्म काँडेबासको सहयोग
थम्मन थापा, बागलुङ नेपाल रेडक्रस सोसाईटी मल्म काँडेबास शाखाले आगोलागी पिडित र पहिरो पिडित परिवारलाई राहत सामाग्री वितरण गरेको छ ।
गलकोट नगरपालिका ७ मल्म, सानोखाला निवासी लाल बहादुर चोखाल र अरबेदी निवासी प्रेम बहादुर चोखाललाई राहत सामाग्री हस्तान्तरण गरिएको हो ।चोखाल परिवारलाई १६ हजार रुपैयाँ बराबरको सामाग्री सहयोग गरिएको बताईएको छ ।
त्रिपाल कम्मल, भाडाँकुडा र कपडा राहत स्वरुप प्रदान गरिएको नेपाल रेडक्रस सोसाईटी मल्म काँडेबास शाखाका निवर्तमान सचिव छुम बहादुर थापाले जानकारी दिनुभयो ।
राहत वितरण कार्यक्रममा बोल्दै नेपाल रेडक्रस सोसाईटी मल्म काँडेबास शाखाका सभापति विष्णु कुमारी मल्लले सरकार, विभिन्न संघसंस्था, देश विदेशमा रहेका वडाबासी नागरिक सँग समन्वय र सहकार्य गरेर आपत विपतमा परेका नागरिकलाई तत्काल राहत र पुनर्स्थापनाका लागि पहल गरिने बताउनु भएको छ ।
सभापति मल्लले पिडितको परिवारलाई निरन्तर सहयोग गर्न आफुहरु कृयाशिल रहने प्रतिवद्धता समेत जनाउनु भयो ।
