बागलुङमा भिरबाट फालेर नाबालक छोराको हत्या !
२१७२
विज्ञापन
बागलुङ । बाबुले नाबालक छोरालाई भिरबाट खोलामा फालेर हत्या गरेका छन् । बागलुङ नगरपालिका-३ को काठेखोलामा बालकको शव भेटिएको प्रहरीले बताएको छ ।
ताराखोला गाउँपालिका घर भई बगलुङ नगरपालिका वडा नं. ३ बस्दै आएका केशव पुनले ६ वर्षका छोरा किस्मतलाई भिरबाट खोलामा फालिदिएका थिए ।बुधबार राति पुनले छोरालाई खोलामा फालेको सूचना पाएपछि जिल्ला प्रहरी कार्यालय बागलुङबाट ११ जनाको उद्धार टोली काठेखोलामा जाँदा बालकको शव भेटिएको प्रहरी निरीक्षक सुनील चिलुवालले बताए ।
घटनास्थलबाट २ सय मिटर तल बालकको शव भेटिएको थियो । तत्काल प्रहरीले पुनलाई पक्राउ गरेको छ । प्रहरीले घटनाबारे थप अनुसन्धान जारी राखेको बताएको छ ।
