दाङमा चट्याङ लागेर बालकको मृत्यु, दुई घाइते
दाङ।दाङमा चट्याङ लागेर एक जना बालकको मृत्यु भएको छ भने दुई जना घाइते भएका छन् । चट्याङ लागेर गम्भीर घाइते हुनुभएका घोराही उपमहानगरपालिका–११ खुङ्कोट निवासी तीन बर्षीय बालक समिर साहुको उपचारका क्रममा मृत्यु भएको जिल्ला प्रहरी कार्यालय दाङका सूचना अधिकारी एवं प्रहरी नायव उपरीक्षक रामप्रसाद तिमल्सिनाले जानकारी दिएका छन् ।
प्रहरी नायव उपरीक्षक तिमल्सिनाका अनुसार बालकको घोराहीस्थीत राप्ती स्वास्थ्य विज्ञान प्रतिष्ठानमा उपचारका क्रममा बुधवार विहान मृत्यु भएको हो । चट्याङ्बाट मृतक समिरको आमा ४२ बर्षीय निमकली साहु र ६ बर्षीया दिदी सविना साहु घाइते भएका छन् ।
उनीहरुको घोराहीस्थीत राप्ती स्वास्थ्य विज्ञान प्रतिष्ठानमा उपचार भइरहेको छ । प्रहरीका अनुसार मंगलवार दिउँसो ३ बजेतिर घरमा चट्याङ लाग्दा उनीहरु घाइते भएका थिए । माटोको गाह्राे र फुसले छायको कच्ची घरमा चट्याङ घरमा रहेको तीन जना घाइते भएका थिए ।।।
