लियो बुटवल सेन्ट्रलका निर्वाचित अध्यक्ष शर्माद्वारा पदभार ग्रहण

बुटवल, लियाे क्लब अफ बुटवल सेन्ट्रलकाे १०औ पद हस्तान्तरण तथा अवार्ड वितरण कार्यक्रम होटल ह्वाईट पान्डा, बुटवलमा सम्पन्न भएको छ ।

प्रत्येक पदाधिकारीको १ बर्षको कार्यकाल (जुलाइ १ देखि जुन ३०) रहने लायन तथा लियो परम्परा बमोजिम नयाँ लायन बर्षको लागि नयाँ पदाधिकारीको निर्वाचन सम्पन्न गरिन्छ ।

नव निर्वाचित पदाधिकारीलाई पद हस्तान्तरण गर्ने पुर्व निर्धारित योजना बमोजिम लायन बर्ष २०२३/२४ का अध्यक्ष लियो विकास टण्डनले बर्ष २०२४/२५ का अध्यक्ष लियो जीवन शर्मालाई पद हन्तान्तरण गरे ।

पद हस्तान्तरण गर्दै निवर्तमान अध्यक्ष टण्डनले  जीवन शर्माको अध्यक्षतामा निर्वाचित टिमलाइ सफल कार्यकालको शुभकामना दिदै, क्लबको श्रीबृद्धीको लागि आफ्नो सहयोग निरन्तर रहने प्रतिबद्धता ब्यक्त गरे ।

पदभार ग्रहण गर्दै अध्यक्ष शर्माले क्लबको विभिन्न पदमा निर्वाचित तथा मनोनित पदाधिकारीको परिचय गराउदै आफ्नो नेतृत्वको टिमले बर्षभरि सम्पन्न गर्ने कार्य योजनाहरु प्रस्तुत गरेका थिए ।

लियो जिल्ला परिषद ३२५’पि’, नेपालकी अध्यक्ष लियो श्रद्धा कुवरकाे प्रमुख आतिथ्यता, क्लबका चार्टर प्रेसिडेन्ट लियो लायन लक्ष्मण पन्थिको बिशिस्ट आतिथ्यता, नेपाल युवा परिषद्का कार्यकारी उपाध्यक्ष गोविन्द बहादुर के. सि., उध्योग व्यापार संघ बुटवलका अध्यक्ष विष्णु पान्डे, लियो क्लब एडभाइजर तथा लायन्स डिस्ट्रीक ३२५’पि’ का डिस्ट्रीक चिफ लायन विष्णु कुवरको बिशेष उपस्थिति रहेको थियो ।

कार्यक्रममा विभिन्न संघसस्थाका प्रमुखहरु, लियो जिल्ला परिषदका पदाधिकारीहरु, बुटवल सेन्ट्रल लायन्स तथा बुटवल सेन्ट्रल लियो क्लबका पुर्व अध्यक्ष लगायतका पदाधिकारीहरुको उपस्थिति थियो ।

n

प्रमुख अतिथि लियो जिल्ला परिषद अध्यक्ष कुवरले क्लबले गरेका समाजसेवाका उत्कृष्ट कार्यको मुक्तकण्ठले प्रसंशा गर्दै लायन्स क्लबसङ्ग समन्वय गरेर काम गर्न सुझाव दिनु भएको थियो । आ-आफ्नो कार्यकालमा उत्कृष्टता प्रदर्शन गर्ने क्लबका पुर्व अध्यक्षहरुलाइ लियो जिल्ला परिषदका विभिन्न प्रोटोकलमा मनोनित गर्न पाएकोमा खुसी ब्यक्त गर्दै, क्लबलाइ जस्तोसुकै सहयोग गर्न तथा हातेमालो गरेर अगाडी बढन तयार रहेको बताउनु भएको थियो ।

बर्ष २०२४/२५ का सचिव हरि प्रसाद घिमिरेको संचालनमा भएको कार्यक्रममा लियो मोहित थापाले उपस्थित महानुभावहरुलाइ स्वागत गरेका थिए