सरुमारानीको वित्तिय प्रगती ९०.६२ प्रतिशत
प्युठान। जिल्लाको नौ स्थानीय तह मध्ये सरुमारानी गाउँपालिकाले आर्थिक वर्ष २०८०/०८१ को आफ्नो वित्तिय प्रगती सार्वजनिक गरेको छ । पालिकाले चालु आर्थिक वर्षमा ९० दशमलव ६२ प्रतिशत वित्तिय प्रगती हासिल गरेको हो ।
सरुमारानी गाउँपालिकाले चालू आर्थिक वर्ष २०८०/०८१ का लागि विनियोजित ४४ करोड १५ लाख २८ हजार ३०७ मध्ये ३५ करोड १७ लाख ३८ हजार ८ सय ९३ रुपियाँ ७८ पैसा अर्थात ७९.६६ प्रतिशत खर्च भएको गाउँपालिकाका प्रमुख प्रशासकिय अधिकृत देविराम पाठकले जानकारी दिनुभयो ।
राजनितिक नेतृत्वको सहयोग र कर्मचारी प्रशासनको मेहनतले यो सफलता हासिल भएको प्रतिक्रीया दिदैं प्रशासकिय प्रमुख पाठकले भन्नुभयो,’राजनितिक नेतृत्वको चासो र सहयोगका साथै कर्मचारीहरुको टिमवर्क,मेहनत,कामप्रतिको लगाव र कानुनको परिपालना गर्दा यो सफल्ता मिल्यो।
आईतवार पालिकाले प्रमुख प्रशासकीय अधिकृत पाठक र लेखा अधिकृत टोप बहादुर शाहीद्वारा हस्ताक्षरित सूचनामा चालु आर्थिक वर्षको खाता बन्द भएको समेत उल्लेख छ ।
