सुन–चाँदीको मुल्य बढ्यो

काठमाडौँ । नेपाली बजारमा बुधबार सुन–चाँदीको मूल्य बढेको छ।अघिल्लो दिन प्रतितोला २ हजार ७ सय रूपैयाँ घटेको सुनको मुल्य यसदिन प्रतितोला पाँच सय रूपैयाँ बढेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३६ हजार रूपैयाँ र तेजाबी सुन प्रतितोला एक लाख ३५ हजार तीन सय ५० रूपैयाँमा कारोबार भइरहेको छ।

मंगलबार छापावाल सुन प्रतितोला एक लाख ३५ हजार पाँच सय रूपैयाँ र तेजाबी सुन प्रतितोला एक लाख ३४ हजार आठ सय ५० रूपैयाँमा कारोबार भएको थियो।

त्यसैगरी, आज चाँदीको मूल्य पनि बढेको छ। आज चाँदी  १० रूपैयाँ बढेर चाँदी प्रतितोला १६ सय ७० रूपैयाँमा कारोबार भइरहेको छ।