नेप्से परिसूचक ६.२६अंकले घट्यो
२०५५
विज्ञापन
काठमाडौँ । सेयर बजार परिसूचक नेप्से घटेको छ । सोमबार नेप्से परिसूचक ६.२६ अंकले घट्दै २ हजार १२.०७ अंकमा झरेको हो ।सोमबार क वर्गको सेन्सेटिभ इन्डेक्स समेत ०.९१ अंकले घट्दै ३५५.६६ अंकमा झरेको नेपाल स्टक एक्सचेञ्जले जनाएको छ ।
कूल २४५ कम्पनीको सेयर दोस्रो बजारमा कारोबार भएकोमा सोमबार ८६ वटा कम्पनीको मात्र सेयर मूल्य वृद्धि भएको छ भने १५१ कम्पनीको सेयर मूल्य घटेको छ । बाँकी ८ कम्पनीको मूल्य भने स्थिर रहेको नेप्सेले जनाएको छ ।
सोमबार पनि उच्च कारोबारको शीर्ष स्थानमा सर्वोत्तम सिमेन्ट रहेको छ । कम्पनीको मात्र आज ४७ करोड २९ लाख १७ हजार रुपैयाँ बराबरको सेयर सोमबार बजारमा कारोबार भएको छ । यस्तै कम्पनीको सेयर मूल्य भने सोमबार ३.४४ प्रतिशतले घटेर प्रतिकित्ता ९४१ रुपैयाँमा झरेको छ ।
सोमबार गुँरास लघुवित्त वित्तीय संस्था लिमिटेड र मै खोला हाइड्रोपावर लिमिटेडको सेयर मूल्य समान १० प्रतिशतले बढेको छ भने रिभर फल्स पावर लिमिटेडको सेयर मूल्य ९.९८ प्रतिशतले घट्न पुगेको छ ।
