रेसुंगा विमानस्थलबाट हप्ताको ३ उडान हुने
गुल्मी । गुल्मीको रेसुङ्गा विमानस्थलबाटहप्ताको ३ उडान हुनेभएको छ । यात्रुको चाप बढेपछि नेपाल एयरलाइन्ससँग माग गरी तीन उडान हुनेभएको रेसुंगा नगरपालिकाका प्रमुख खिल्धवज पन्थीले जानकारी दिए ।
उनका अनुसार, अब गुल्मीको रेसुंगा विमानस्थलमा साप्ताहिक तीन उडान हुनेछन्। उनले कठोर मिहिनेत र पटक–पटकको छलफलपछि आगामी सोमबारबाट रेसुङ्गा विमानस्थलमा नेपाल एयरलाइन्सले साप्ताहिक तीन उडान गर्ने सहमति भएको बताए ।
नेपाल एयरलाइन्सले हालसम्म साप्ताहिक दुई उडान गरिरहेको थियो । प्रत्येक बुधबार र शुक्रबार उडान भइरहेको थियो ।अबदेखि प्रत्येक सोमबार, बुधबार र शुक्रबार उडान हुनेछ ।
रेसुंगा नगरपालिका प्रमुख खिलध्वज पन्थीले उडान थप भएकोले अब आम नागरिकले टिकटको अभावमा भोग्नु परेको दुस्ख र समस्याको केही हदसम्म समाधान हुने विश्वास लिएको बताए । यात्रुको चापका आधारमा थप उडानका लागि पनि पहल गरिने नगरपालिका प्रमुख पन्थीले जानकारी दिएका छन् ।
