प्रहरीद्वारा गुल्मीमा शिवालय मन्दिर सरसफाइ

गुल्मी । महाशिवरात्रीको अवसरमा जिल्ला प्रहरी कार्यालय गुल्मीले शिवालय मन्दिर सरसफाइ गरेको छ । नेपाल प्रहरी संघको आयोजनामा जिल्लाको रेसुङ्गा नगरपालिका वडा न. ९ चारीखोलामा रहेको शिवालय मन्दिर सरसफाइ गरिएको हो।

चारीखोलामा रहेको मन्दिरमा शिवरात्रीका दिन पूजापाठ गर्न तम्घास बजारबाट भत्तजनको उल्लेख सहभागीता रहन्छ ।शिवालय मन्दिरमा घाँस तथा झाँडिको कारणले फोहोर बनेको थियो । सरसफाइ पछि मन्दिर चिटिक्क पारिएको छ ।

महाशिवरात्रीका दिन भगवान् शिवको पूजा गर्नुका साथै महिलाहरु व्रत समेेत गर्दछन् ।अविवाहित युवती शिवको प्रर्थाना गर्छन् र असल पतिको कामना गर्छन् । विवाहित महिला आफ्ना पति र परिवारको सु–स्वास्थय ,दिर्घायुको कामना गर्छन् ।हिन्दु धर्ममा महाशिवरात्री पर्वको विशेष महत्व रहेको छ ।