Advertisement
विज्ञापन

बालिका बलात्कारपछि हत्याका आरोपित खाँ जेल चलान



Advertisement
विज्ञापन

गुल्मी । गुल्मीको चन्द्रकोट गाउँपालिका–४ शान्तिपुरकी १५ वर्षीया बालिकाको बलात्कारपछि हत्या गरेको आरोप लागेका बाँके खजुरा गाउँपालिका– ४ का २३ वर्षीय रहिस खाँ पुर्पक्षका लागि जेल चलान भएका छन् । उनी १७ कात्तिकमा शान्तिपुरबाट पक्राउ परेका थिए ।

१७ कात्तिकमा बालिका शान्तिपुर घरनजिकैको हुँग्दीखोलामा नग्न र डुबेको अवस्थामा फेला परेकी थिइन् । खोलामा बालिकाको दर्दनाक अवस्थामा शव फेला परेदेखि स्थानीयले बलात्कारपछि हत्याको आशंका गर्दै विरोध र प्रदर्शनसमेत गरे । जिल्ला प्रहरी कार्यालय गुल्मीका प्रमुख नवीनकिशोर प्रधानसहितको प्रहरीको टोली तत्काल घटनास्थल पुगेर घटनाको अनुसन्धान गरेर शंकास्पद व्यक्तिलाई नियन्त्रणमा लिएको थियो ।


Advertisement
Advertisement
Advertisement

मृतक बालिका शान्तिपुरको श्रीलंकाटोलमा आमासँग भाडाको घरमा बस्दै आएकी थिइन् । बालिका १६ कात्तिकबाट परिवारको सम्पर्कमा थिइनन् । आमासँग घरनजिकैको खेतमा काम गर्न गएकी उनी १६ कात्तिकको बिहान ११ बजे खेतालालाई सुर्ती किन्न बजार गएपछि फर्किनन् ।

स्थानीय र परिवारले बलात्कारपछि हत्या गरेको आरोप लगाउँदै आएका छन् । गुल्मी प्रहरीले घटनामा संलग्न भएको आरोपमा खाँलाई नियन्त्रणमा लिएर आवश्यक अनुसन्धानपछि गुल्मी अदालत पेस गरेको थियो । जिल्ला अदालत गुल्मीले सोमबार खाँलाई पुर्पक्षका लागि जिल्ला कारागार गुल्मी चलान गरेको जिल्ला प्रहरी कार्यालय गुल्मीका सूचना अधिकारी डिल्लीनारायण पाण्डेयले जानकारी दिए ।

पछिल्लो तीन वर्षमा यो चन्द्रकोट गाउँपालिकाको दोस्रो ठूलो घटना हो । चन्द्रकोट गाउँपालिका– ३ हर्राचौरको जंगलमा ०७७ कात्तिक १६ गते दुई बालिकासहित महिला बीभत्स हत्या गरेर फालिएको अवस्थामा फेला परेका थिए । १३ दिनपछि घटनामा संलग्नलाई कास्कीस्थित पोखरा महानगरपालिका– २५ हेम्जाबाट पक्राउ गरिएको थियो ।

हत्या भएका तीनजना मोरङ कानेपोखरी गाउँपालिका– ३ हर्कपुर घर भएका ३२ वर्षीया सरिता भन्ने शिवमाया लिम्बू र उनका जुम्ल्याहा छोरी सात वर्षीया गंगा र जमुना मगर रहेका थिए । गुल्मी जिल्ला अदालतले हत्याकाण्डमा संलग्न मुख्य व्यक्ति बाग्लुङ गल्कोट नगरपालिका–८ ज्यामिरेका ४६ वर्षीय पूर्णबहादुर सुनारलाई जीवित रहेसम्म कैद सजाय फैसला गरेको छ।

Advertisement
विज्ञापन
Advertisement
विज्ञापन
Advertisement
विज्ञापन
Advertisement
Advertisement
Advertisement
Ads will close in 8 seconds
Skip Ad