नेप्सेमा यो साता ८ अंकको वृद्धि

नेप्से कारोबारमा वृद्धि देखिन थालेसँगै कारोबार रकममा पनि सुधार आएको छ । पछिल्ला ४ दिनमा नेप्सेमा कारोबार रकम औसतमा १ अर्ब १० करोडभन्दा धेरैको छ । जुन, तिहार अघिको बजारमा दैनिक ९० करोड हाराहारी कारोबार हुन्थ्यो । यो साता नेप्सेमा ४ अर्ब ४० करोड रुपैयाँ बराबरको कारोबार भएको छ ।

यो साता नेप्सेको कूल पुँजीकरण समेत बढेको छ । यो साता नेप्सेका बजार पुँजीकरण २८ खर्ब ६८ अर्ब रुपैयाँ पुगेको छ । जुन, १५ अर्बको वृद्धि हो । यसअघि, नेप्सेको बजार पुँजीकरण २८ खर्ब ५३ अर्ब रुपैयाँ थियो ।