भारतीय तिर्थालु सवार बस दुर्घटनामा ४५ जना घाइते

परासी, ७ माघ ।

पश्चिम नवलपरासीमा तिर्थालु सवार बस दुर्घटना हुंदा ४५ जना घाइते भएका छन् ।

नवलपरासीको पाल्हीनन्दन गाउँपालिका – १ झरहीखोला नजिकै रमपुरवास्थित भित्री सडक खण्डमा त्रिवेणीधाम मेलामा तीर्थ गरी भारततर्फ फर्किदै गरेको युपी १६ एफ टी ७४६६ नम्बरको भारतिय बस दुर्घटना भएको हो बसको स्टेरिङ फेल भई आफै अनियन्त्रित भई सडकबाट १० मिटर तल घोलामा पल्टिन जांदा बसमा सवार ६० जना मध्ये ४५ जना भारतीय तिर्थालुहरु घाइते भएका जिल्ला प्रहरी कार्यालय नवलपरासीले जनाएको छ ।

घाइतेहरूको जिल्ला अस्पताल परासी पठाइएको ई।प्र।का। महेशपुरका प्रहरी निरिक्षक मेघनाथ चांपागाईले बताए । घाइतेहरूमध्ये एक जनाको अवस्था गम्भीर रहेको र अन्य घाइतेहरूको अवस्था सामान्य रहेको उनले बताए । बसका चालक समेत घाइते भई उपचाररत रहेका र घटनाको अनुसन्धान शुरु भएको उनले बताए ।

तपाईलाई यो खबर कस्तो लाग्यो

  • नालीबेली न्युज

    नालीबेली न्युजमा प्रकाशित सामग्रीबारे कुनै गुनासो, सूचना तथा सुझाव भए हामीलाई nalibelinews@gmail.com मा पठाउन वा ९८५७०८५१३१/९८६३३२५१२१ फोन गर्न सक्नुहुने छ ।

प्रतिक्रिया दिनुहोस

  • चर्चित
  • भर्खरै