गुल्मीमा एक्साभेटर दुर्घटना हुँदा चालकको मृत्यु
२०७५
विज्ञापन
नालीबेली न्युज डट कम । गुल्मीमा एक्साभेटर दुर्घटना हुँदा चालकको मृत्यु भएको छ ।जिल्लाको छत्रकोट गाउँपालिका वडा नं २ रातापानी देखि लुम्छा तर्फ जाँदै गरेको लु १ क ४७७१ नं को एक्साभेटर भिरबाट खस्दा चालकको मृत्यु भएको जिल्ला प्रहरी कार्यालय गुल्मीले जानकारी दिएको छ ।
दुर्घटनामा परी चालक दाङ जिल्ला शान्तिनगर गा.पा-१ तिलकपुर बस्ने अन्दाजी ३३ वर्षीय यज्ञ वलीको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी नायव उपरिक्षक माधवराज खरेलले जानकारी दिए ।
उक्त एक्साभेटर भिरबाट झण्डै पाँच सय मिटर तल खसेको थियो । घटनाबारे थप अनुसन्धान हुँदै गरेको प्रहरीको भनाई छ ।
