इश्मा गाउपालिका उपप्रमुखमा नेपाली कांग्रेसको तर्फबाट पार्वती कुवर सर्वसम्मत उम्मेदवार
गुल्मी । वैशाख ३० गते हुने स्थानीय तहकाे निर्वाचनका लागि गुल्मी जिल्लाकाे इस्मा गाउँपालिकामा गठबन्धनबाट नेपाली काङ्ग्रेस इस्माका उपसभापति २६ बर्षिया पार्बती कुँवरलाई गाउँपालिका उपाध्यक्ष पदको उम्मेदवार बनाउँन सिफारिस गरिएको छ ।
सोमबार ईस्मामा बसेकाे गठबन्धनकाे बैठकले सर्वसम्मत रुपमा कुँवरलाई उपाध्यक्षकाे उम्मेदवार बनाउँन सिफारिस गरेको नेपाली काङ्ग्रेस गुल्मीका सचिव भगत सिंह खण्डकाले बताए ।
२०६७ सालमा नेपाल बिद्यार्थी संघ रेसुङ्गा बहुमुखी क्याम्पसबाट आफ्नो राजनीति यात्रा सुरु गरेकी कुँवर महिला संघको क्षेत्रीय काेषाध्यक्ष हुदै हाल नेपाल बिद्यार्थी संघ गुल्मी सचिव, इस्मा गाउँपालिका उपसभापति र कांग्रेस महासमिति सदस्य समेत हुन् । कुँवर पेशाले अधिवक्ता हुन् ।
गाउँठाउँमा बसेर युवा बृद्धा सबै व्यक्तिका समस्या बुझ्ने र परिवर्तनका निमित्त सधैं लडिरहने भएकाले आफूले गाउँपालिका उपाध्यक्ष पदमा जित हासिल गर्ने कुँवरले बताइन् । हरेक यूवा यूवती र हरेक तहका व्यक्तिका निम्ति बाेलिरहने परिवर्तनका निमित्त लडिरहने भएकाले सबैले चुनावमा उठ्न आग्रह गरेका कारण आफुले उम्मेदवारी दिएकाे उनको भनाइ छ ।
ईस्मा गाउँपालिकामा गठबन्धनले अध्यक्षमा भगत सिंह खण्डकालाई र उपाध्यक्षमा पार्बती कुँवरलाई टुङ्गो लगाए पनि नेकपा एमालेले अझै टुङ्गो लगाउँन सकेको छैन ।
